| 而家自己搬左出黎住都成兩個月了...開頭都有o的唔習慣的...成日唔敢訓...see黎see去...但好彩有o的朋友成日陪我...到我而家都漸漸開始習慣一個人了...但周不時都歡迎o的朋友上黎陪我...咁就唔會咁寂寞...因為有時又好唔想一個人...有時一個人既感覺都好單...不過好睇心情啦...
不過如果而家叫我正正經經去拍拖...我諗我做唔到...而家既我太愛自由了...亦好難去投入...可能我怕傷心...又或者我真係未能放低佢...佢可以話係我認真拍拖既一個陰影...我而家反而會去享受一o的唔真實...唔洗負責任而又有感覺既感情...可能咁樣而家對我係一件好事...
另外我真係好憎人呃我...最憎一時叫我咁一時叫我咁...之後結果原來係有野呃我...無一個人係會好真心...而家o係我眼中只有錢係對我最真心...我朋友成日同我講...你唔捨得洗男人錢之後佢咪又係一樣洗左o係第二條女道...我而家覺得好岩...完全正確...我唔想到最後好似咩都無咁...
|
| |
| 件事終於有個決定了...前幾日零神三點幾我已經搬走左...事原係o個晚各自各出左去玩...到兩點幾因為行雷...我好驚所以打信息比佢話驚重問佢幾點返去...之後佢咩都無覆我...咁我咪以為佢o係屋企訓左咪即刻返屋企囉...點知返到去都唔見人...咁自己o個一刻咪打比個女仔fd...之後咪叫多個人過黎help我車o的野走囉...之後我條仔兩個中頭後先send返信息比我講對唔住...話去唱k索到od左...而家返緊屋企...不過o個時我已經o係人地車道去緊我女仔朋友屋企...其實係一件好小既事...不過我都諗住借住o個一刻把心一橫自己住...平時問佢係咪好小同女仔嗌交...佢答我一嗌交就散...又問佢係咪有無我都得...佢答我依個世界無話無左邊個唔得...依o的答案令我太無安全感了...
而家既我o係個女仔fd屋企住幾日...搵緊太子...旺角既套房...2千幾到...就黎會搬走...雖然真係好驚一個人ge...不過都要學習下一個人...因為往後既日子都係要自己一個人過..依o的係遲早既事...我希望一個人既生活都會係快樂的...另外自己一個諗野都會多左...希望諗到自己以後條路應該點行啦...
星期一去左荃灣拜四面彿...希望都會為我dia黎好運啦...大家又有咩搵屋既意見呢...
|
| |
| 心情真係好沈重...係時候又要o係道舒發我既感受...一個月前同老豆嘈竟然攞埋呀爺出黎講話我激到佢死...之後我勁嬲...由細到大我都好憎比人屈...咁咪同佢小囉...之後話比一個月時間我搬走...即係6月9日前...咁岩o個時識左而家依個男朋友...佢自己一個人住...so識左兩日就一齊住...直到而家...一開始既時候大家都知大家係同一類人...中意玩唔定...又會有好多異性朋友...我諗既鬼計就等於佢諗既...但依一刻既我...再唔可以點樣玩...因為始終我既世界變左...而佢...亦開始想搵一個中意既可以拍得長...咁岩就遇到我...我地比大家好大自由度...因為大家都要有私人空間...佢之前唔中意o的女就係佢地煩...so我地就算出左去玩都只會信息溝通...唔會點打電話...又可以去玩同人交換電話...識個朋友...同異性出街亦得...依o的自由度都可以話係我問佢之後佢話ok咁而定既...佢係無咩點去玩既...多數打下機賭下波咁...不過我當然知大家自由度咁大其實都係想比返自己之...我亦一樣...其實我都係第一次有依個戀愛方式...其實講真真係無咩安全感ge...好在而家佢無去玩...只有我去得多...但遲o的佢去既時候我又會好擔心...因為其實我都係一個多野諗既人...邊有話真係咁大自由度吖...
其實而家心情真係好矛盾...好怕一個人住...怕黑怕鬼...但又好擔心之後又點呢...因為唔知點解個心就好似已經遇左最終都會自己一個生活...只係遲定早...定等到嗌交分手時再好急咁搵屋住呢...有時o的野真係預計唔到...定還是我諗得太灰呢...大家又點睇呢???
|
| |
| 好耐無打XANGA~睇返自己之前幾篇打既野~真係有點兒失落~自己究竟改左去邊呀~改改下又變成點呀~睇返而家既自己~究竟似o的咩呀~再睇下身邊既人~人地就一步一步咁努力緊~進步緊~自己呢~就一日比一日沈迷~做o的連自己都無辦法控制既野~最後又得到o的咩呢~只會另自己失去更+多野~
感情變得麻木~陰影太大~幸福開始離我越黎越遠~我好怕...好怕有人為我死...好怕嗌交時打我...好怕佢飲完酒...好怕......~無動力去開始~唔知道點樣開始~就好似未拍過拖既女孩~什麼都忘記了~試過好多~但最終都係怕左~唔敢去愛~講分手既又係我~我發覺我而家只享受同唔同既男仔去睇戲食飯唱K~無壓力~唔洗去怕唔洗去受唔洗去呃~無開始先唔會有失去~唔想多年既感情到頭來一片空白~
到最後我會改變嗎~我會超越自己既誘惑嗎~我知道連自己都唔知道自己諗緊咩~係無可能錫到自己~
|
| |
| 好耐無打XANGA了各位~依排都忙於返學~有時都會出下街玩下咁~無出去蒲就多左真心朋友~但就小左o的男性朋友~不過無所謂啦~我都係中意唔多蒲既我多o的~而無點蒲既日子而家就愛上了跑步同呼拉圈~煙又食小左好多好多~介買先囉~只係有時唱K落BAR會食之外平時都無食~因為驚跑步無氣~而身體亦會健康o的~
而十月二十四日係我生命中一個好重要既日子~還重要過自己生日日子~如果呀君還在生~我同佢已經四週年了~因為無呀君我唔會有回憶~唔會有好深既感受~無論回憶係美好定痛苦~我都要多謝佢~識到佢係我一生中最值得回憶既事~事情過左成半年~傷痛已經灰復好多~但係每日都會諗起佢~可能真係經歷太多~講真重好掛住佢~雖然係分手之後先出事~但我真係面對唔到~因為我重知道咩叫感情~亦可以咁講~我係o的無左先識得黎珍惜既人~無人可以替代佢o係我心中地位~所以無人可以做佢既代替品~
依一日我去左拜佢~因為上幾個月去拜佢時講過會再去~而家我又應承左佢年年依個日子都會拜佢~我今次重買左佢三樣中意飲同食既野~有蜜瓜豆奶~賓分樂~蕃茄味薯片~
|
| |
